EU-støtte til Førdefestivalen

Førdefestivalen og samarbeidspartar i Italia, Hellas og Estland har fått EU-støtte på 1,6 mill.kr til prosjektet “Folk music in MusEUms – young musicians and old instruments”.

Prosjektet fokuserer på unge musikarar sin moglegheit til å bruke arkiv og museum for å finne og utvikle eigne musikktradisjonar.

Samarbeidsprosjektet går over tre år og vil starte i 2010. Konkrete resultat vil etter planen bli presenterte på Førdefestivalen i 2011 og 2012. Det er første gong ein kulturaktør i Sogn og Fjordane har klart å nytte seg av EU sitt kulturprogram, som er svært omfattande og stiller høge krav til søkjarar sin kvalitet og gjennomføringskraft.

Dei som samarbeider om prosjektet er:

Førde Internasjonale Folkemusikkfestival, The Estonian Traditional Music Center (Estland), Prefecture of Cyclades – Department of Culture (Hellas) og The Municipality of Rome – Zètema Progetto Cultura (Italia).

(PM: Førdefestivalen)